കുമ്പള
ഗ്രാമ പഞ്ചായത്ത്

ബല്ലാള്‍-മായിപ്പാടി രാജവംശങ്ങളുടെ ചരിത്രവും കുമ്പ ആകൃതിയിലുള്ള പുഴയിൽ നിന്ന് പേരു ലഭിച്ചതുമായ കുമ്പള, ബ്രിട്ടീഷ് വിരുദ്ധ പോരാട്ടങ്ങൾക്കും കുമ്പള ഗാന്ധി (ശ്രീദേവപ്പ ആൾവ), സുന്ദര കുമ്പള, സ്വാമി ആനന്ദതീർഥർ തുടങ്ങിയവരുടെ സമരവീര്യത്തിനും സാക്ഷ്യം വഹിച്ച മണ്ണാണ്. കന്നഡ, മലയാളം, തുളു ഉൾപ്പെടെയുള്ള വിവിധ ഭാഷകളുടെയും ആചാരങ്ങളുടെയും സംഗമഭൂമിയായ ഇവിടെ യക്ഷഗാനവും കമ്പളവും ഇന്നും സജീവമായി നിലനിൽക്കുന്നു. മുൻ ഇന്ത്യൻ ക്രിക്കറ്റ് ക്യാപ്റ്റൻ അനിൽ കുംബ്ലെയുടെ പൈതൃക ഗ്രാമമായ കുമ്പള, പണ്ടുകാലത്ത് കൈത്തറി, അരി, ഉണക്കമീൻ എന്നിവ വിദേശങ്ങളിലേക്ക് കയറ്റുമതി ചെയ്തിരുന്ന ഒരു പ്രമുഖ തുറമുഖ നഗരമായിരുന്നു. സംസ്ഥാനത്തെ ഏക യുനാനി ആശുപത്രി സ്ഥിതി ചെയ്യുന്ന മൊഗ്രാൽ ഉൾപ്പെടുന്നതും ദേശീയപാത 17 കടന്നുപോകുന്നതുമായ ഈ പ്രദേശത്ത് 1963-ൽ എം.സി അബ്ദുൾ ഖാദർ ഹാജി പ്രസിഡന്റായി ആദ്യ ഗ്രാമപഞ്ചായത്ത് ഭരണസമിതി നിലവിൽ വന്നു. അതിനുമുമ്പ് ജനങ്ങൾ കൈപൊക്കി...